काठमाण्डौ: नेपाल भारत पारवहन सन्धि पुनरावलोकन बैठक राजधानीमा सुरु हुने भएको छ ।
राजधानी काठमाडौंमा नेपाललाई तेस्रो मुलुकसँग व्यापारका लागि पहुँच विस्तार तथा नेपाल भारत व्यापार सहजीकरणमा महत्त्वपूर्ण हुने उक्त बैठक मंगलबार बस्न लागेको हो ।
सो बैठकमा सुरुमा भारतको सहमति भएको जलमार्ग र थप नयाँ बन्दरगाह बारे सन्धिमा समावेश हुने विषयलाई बैठकले मुर्तरुप दिने उद्योग वाणिज्य तथा आपूर्ति मन्त्रालयका सहसचिव नवराज ढकालले जानकारी दिएका छ्न् ।
यसैगरि उक्त बैठकमा विशाखापट्टनमबाट जोगबनी नाकाको विराटनगर रक्सौलको वीरगन्ज र सुनवलको भैरहवासम्ममा कार्गो ढुवानी सम्बन्धमा पनि बैठकमा छलफल हुने भएको छ ।
साथै विद्युतीय कार्गो निगरानी प्रणाली इलेक्ट्रोनिक कार्गो ट्रेकिङ सिस्टम ईटीएसका बारेमा पारवहन सन्धिमा आवश्यक व्यवस्थाको मुर्तरुप दिइने छ ।
बैठकमा वाणिज्य सहसचिव ढकालसहित यातायात, परराष्ट्र, कानुन मन्त्रालयका सहसचिवहरू गरिब करिब १० सदस्यीय टोलि सहभागी रहनेछ्न् भने सोहि संख्यामा भारतीय टोलीको नेतृत्व एडिस्नल सेक्रेटरी भूपेन्द्र सिंह भल्ला सहितको टोली सहभागी हुनेछ ।
