काठमाण्डौ: फिनल्याण्डका उद्योगी व्यवसायीहरुलाई नेपालमा लगानी गर्न नेपाल सरकारले आग्रह गरेको छ।
लगानीको वातावरण बनेकाले ढुक्क भएर लगानी गर्न फिनल्याण्डका उद्योगी व्यवसायीहरुलाई वाणिज्य तथा आपूर्ति सचिव वैकुण्ठ अर्यालले बताएका छ्न ।
नेपाल चेम्बर अफ कमर्सले शुक्रबार फिनल्याण्डका उद्योगी व्यवसायीहरुसँग गरेको अन्तर्क्रियात्मक कार्यक्रममा बोल्दै उनले विश्व बैंकले सार्वजनिक गरेको डुइङ बिजनेस इन्डेक्सले पनि नेपालमा लगानीका लागि वातावरण बन्दै गएको देखाएकाले नेपालमा लगानी गर्न उपयुक्त हुने पनि बताएका हुन् ।
नेपालमा वैदेशिक लगानी आएमा सरकारले एकद्वार प्रणालीमार्फत सेवा दिने नीति लिएको सचिव अर्यालले बताएका छन् ।
त्यस्तै फिनल्याण्डका राजदुत पेरटी एन्टीनेनले दुई मुलुकबीचका उद्योगीहरुको सम्बन्ध बलियो हुँदै गएकाले लगानी र व्यापारका आधारहरु बन्दै गएको र फिनल्याण्डका लगानीकर्ताहरु नेपालको जलविद्युत क्षेत्रमा लगानी गर्न इच्छुक रहेको बताएका छन् ।
सोही कार्यक्रममा नेपालीका व्यवसायीहरुले फिनल्याण्डका उद्योगी व्यवसायीलाई नेपालमा लगानी गर्न समेत आग्रह गरेका थिए ।
