सदाबहार खबरको रफ्तार ....
बैसाख ८, २०८१ शनिबार
April 20, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

काँग्रेसको आँखा धरान उपमहानगरपालिकामाः केन्द्रिय नेता भोट माग्दै गाँउगाँउमा

२०७६ मंग्सिर ६, शुक्रबार
शेयर गर्नुहोस:
फन्ट परिवर्तन गर्नुहोस:

काठमाण्डौं: मंसिर १४ गते हुने उपनिर्वाचनको परिणाम आफ्नो पक्षमा पार्न काँग्रेसले धरानमा ठूलो शक्ति खर्च गरेको छ । धरान उपमहानगरपालिकाको मेयरका लागि हुन लागेको निर्वाचनका क्रममा काँग्रेसका दर्जन केन्द्रीय नेता चुनावी प्रचार-प्रसारमा सहभागी भइरहेका छन्  ।

अघिल्लो स्थानीय तह निर्वाचनमा करिब १४ हजार मतले पछि परेको काँग्रेस यसपटक धरानमा जसरी पनि जित्ने अभियानमा लागेको छ ।

बिहीबार प्रवक्ता विश्वप्रकाश शर्माले नेकपाको झन्डा भएका घरमा समेत पुगेर मत मागे । यस्तै, बुधबार केन्द्रीय सदस्य डा. शेखर कोइरालाले सुकुम्बासी बस्तीमा पुगेर भोट मागेका थिए ।

यसअघि वरिष्ठ नेता रामचन्द्र पौडेल, उपसभापति विजय गच्छदार, केन्द्रीय सदस्य गुरुराज घिमिरे, ज्ञानेन्द्र कार्की, धनराज गुरुङ, महेश आचार्य, मीन विश्वकर्मा, तरुण दलका अध्यक्ष जितजंग बस्नेत लगायतले भोट मागेका थिए ।

महेश आचार्यलाई पार्टीले नै खटाएकाले सुरुदेखि नै धरानमा रहेका छन् । मीन विश्वकर्मा पनि धरानमै छन्  । मंसिर १० गते हुने चुनावी सभामा प्रमुख वक्ताका रूपमा गगन थापालाई बोलाइएको छ । सबै नेताको ध्यान धरानको चुनावमा भएको नगर कार्यकर्ता प्रेम पराजुलीले बताए ।

लामो समयदेखि कम्युनिस्टले जित्दै आएको धरानको मेयरमा यसपटक पनि सत्तारुढ नेकपा र प्रमुख प्रतिपक्षी दल काँग्रेसका उम्मेदवारबीच नै प्रतिस्पर्धा हुने देखिएको छ ।

नेकपाले उपनिर्वाचनमा स्व. मेयर तारा सुब्बाले अघि सारेका गौरवका आयोजनाहरू पूरा गर्न आफ्नो नेतृत्व पुनः आवश्यक भएको भन्दै घरघरमा पुगेर मत मागिरहेको छ । मेयरमा नेकपाले जिल्ला कमिटी सदस्य प्रकाश राईलाई उम्मेदवार बनाएको छ भने काँग्रेसले नगर सभापति तिलक राईलाई अघि सारेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

टिपर दुर्घटनामा एक जनाको मृत्यु, तीन घाइते

चोभारमा आगो निभाउन गएको दमकल दुर्घटना, ६ जना घाइते

सुनकोसी मरिण डाइभर्सन : सुरुङ खन्न एक सय १० मिटर बाँकी

उखु महोत्सवबाट किसान उत्साहित

सशस्त्र प्रहरीद्वारा जानकी मन्दिरमा सरसफाई

पाल्पामा जन्ती बोकेको जीप दुर्घटना हुदाँ १० घाइते

कैलालीका सात नदीमा तटबन्ध निर्माण सुरु

सार्वजनिक जग्गा संरक्षणमा लाग्न गृह मन्त्रालयको निर्देशन

काठमाडौंका यी स्थानमा आज ९ घन्टा विद्युत अवरुद्ध हुने

यी प्रदेशमा वर्षाको सम्भावना

लापसे चेकिङमा ५ चालक नियन्त्रणमा

खेलाडीको प्रोत्साहनका लागि लुम्बिनीमा मेयर कप क्रिकेट, मेयर र हकिमको माला मोह !