काठमाण्डौं: मंसिर तेस्रो साताबाट नेपालमा हुन लागेको १३ औँ दक्षिण एसियाली खेलकुद (साग)को खेलाडी दर्ता गर्ने बुधबार अन्तिम दिन हो ।
साग आयोजक नेपालले खेलकुदमा सहभागि हुने राष्ट्रका खेलाडी दर्ताको बुधबार अन्तिम दिन तोकेको छ । बुधबार राति १२ बजेसम्म खेलाडी दर्ता गर्न सक्ने नेपाल ओलम्पिक कमिटीले जनाएको छ ।
नेपालको तर्फबाट प्याराग्लाइडिङ बाहेक ९९७ खेलाडीको नाम दर्ता गर्ने तयारीमा रहेको छ ।
यसअघि ६ सयभन्दा बढि खेलाडी सहभागि गराउने तयारी गरेको आयोजक नेपालले पदक ल्याउन सक्ने सम्भावित विधा थप भएसँगै खेलाडीको संख्या घढाएर ९९७ खेलाडीको नाम दर्ता गर्न लागेको जनाएको छ ।
खेल बिधामा साइक्लिङ्गमा ४ विधा थप गरी ६ जना खेलाडी सहभागि गराउने लक्ष्य लिएको राष्ट्रिय टिम तयारी समितिका संयोजक रिमबहादुर रानाभाटले बताए ।
