सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

बिद्युत महशुल नतिर्ने ग्राहकको लाईन काट्दै प्राधिकरण

२०७६ कार्तिक २७, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं: नेपाल विद्युत प्राधिकरण दिक्तेल वितरण केन्द्रले लामो समस्यसम्म महशुल नतिर्ने अटेरी ग्राहकहरुको धमाधम लाईन काट्न सुरु गरेको छ ।

लामो समयसम्म पनि विभिन्न माध्यमबाट बाँकी महशुल तिर्न सूचना प्रवाह गर्दा समेत वेवास्ता गर्ने ग्राहकहरुको तिहारपछि तीव्रगतीमा लाईन काट्न सुरुवात गरेको हो ।

गतवर्षको मंसिरबाट नै बक्यौता नतिर्ने ग्राहकको लाईन काट्ने काम भईरहे पनि तिहारपछि दिक्तेल बजारमा मात्रै ४० जना ग्राहकको लाईन काटिएको प्राधिकरण प्रमुख राम दिनेश राय यादवले बताए ।

बाँकी महशुल तिर्न आग्रह गर्दा पनि अटेरी गरेकाले अभियान नै चलाएर लाईन काट्न थालिएको प्रमुख यादवको भनाई छ । बक्यौता नतिर्नेमा दिक्तेलबजार र हलेसी भेगका ग्राहक बढी छन् ।

गत वर्ष कार्तिकसम्म १ करोड चार लाख ४७६ रुपैयाँ बक्यौता उठाउन बाँकी भएपछि लगत्तै प्राधिकरणले मंसिरबाट बक्यौता उठाउन ताकेता थालेको थियो ।

मंसिरबाट थालेको बक्यौता संकलन हालसम्म ५२ लाख ६१ हजार सात सय ९७ रुपैयाँ उठेको छ भने  ५१ लाख ८५ हजार आठ सय ८१ रुपैयाँ उठाउन बाँकी छ । पहिलेजस्तो महशुल तिर्नलाई १/२ दिन धाउनुपर्ने अवस्था छैन । तै पनि ग्राहकहरु महशुल तिर्नमा चासो राख्दैनन् । प्राधिकरण प्रमुख भन्छन्, “त्यसैले विकल्प भनेको लाईन काट्ने हो ।”

प्राधिकरणले दिक्तेल बाहेक हलेसी र खोटाङबजारमा मोवाइल काउण्टर स्थापना गरेर मासिक महशुल बुझ्ने गरेको छ ।

हलेसीमा प्रत्येक महिनाको २८,२९,३० र खोटाङबजारमा महिनाको २३,२४,२५ गते महशुल बुझ्ने गरेका छन् ।

ग्राहकलाई महशुल तिर्न सचेत गराउदै प्राधिकरण अहिले बक्यौता नतिर्ने ग्राहकको लाईन काट्ने, मिटर बक्स रि सिल गर्न, बिग्रिएको मिटर बक्स निःशुल्क फेर्ने र काठेपोल हटाएर फलामे पोल राख्नमा व्यस्त छन् ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

चिराइतोको मूल्य घटेपछि किसान चिन्तित

तरकारीखेतीबाट वार्षिक २५ लाख आम्दानी

इलाममा आजदेखि सूर्योदय चिया महोत्सव

आजका लागि तोकियो विदेशी मुद्राको विनिमयदर

सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले

नेप्से परिसूचक सामान्य अङ्कले घट्यो

पर्वतारोहणबाट ३३ करोड ४२ लाख आम्दानी

सुनचाँदीको मूल्य घट्यो,कारोबार कत्तिमा हुदैछ

प्यारापाइलट उत्पादन गर्न माछापुच्छ्रेमा खुल्यो प्याराग्लाइडिङ स्कुल

आजका लागि तोकियो विदेशी मुद्राको विनिमयदर

चालु आवको तीन महिनाः मुद्रास्फीति ६.३७ प्रतिशत

वैकल्पिक लगानी कोष नियमावलीको मस्यौदा सार्वजनिक