काठमाडौंः सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्ड एकघण्टादेखी बालुवाटारमा रहेका छन् ।
मन्त्रिपरिषद बैठकले संसद विघटन गर्ने सुईको पाएका अध्यक्ष प्रचण्ड प्रधानमन्त्री केपी शर्मा ओलीसँग छलफल गर्न आईतबार बिहान ९ बजे बालुवाटारमा पुगेका हुन् । यद्दपी बिहान अकस्मात रुपमा आधा घण्टामात्रै बसेको मन्त्रिपरिषद बैठकले संघिय संसद बिघटन गर्ने निर्णय कार्यन्वयनको लागी राष्ट्रपति समक्ष सिफारिस गरिसकेको छ ।
स्थायी कमिटी बैठक अगाडि दुई अध्यक्षबीच छलफल गर्न प्रचण्ड बालुवाटार पुगेका उनका प्रेस संयोजक विष्णु सापकोटा जुगलले बताए । प्रधानमन्त्री अध्यक्ष प्रचण्डसँग भेटवार्ता नै नगरी ११ बजे राष्ट्रपति निवाश शितलनिवाश पुगेका छन् । अझैसम्म प्रचण्ड प्रधानमन्त्री ओलीलाई भेट्ने प्रतिक्षामा कुरेर बसेको बालुवाटार स्रोतले बतायो ।