काठमाण्डौं: थाइल्याण्डको दक्षिणी क्षेत्रबाट आमहत्यामा संलग्न आरोपमा ७ जना विद्रोही लडाकूलाई थाई सेनाले गिरफ्तार गरेको छ ।
शुक्रबार राति थाई सेना र प्रहरीको संयुक्त गोप्य कारबाहीमा विद्रोही लडाकुहरु पक्राउ परेका हुन् ।
स्वायत्तताको माग वर्षौंदेखि सशस्त्र विद्रोह चलिरहेको याला प्रान्तमा विद्रोहीको आक्रमणमा परी १५ जना सर्वसाधारण नागरिकको मृत्यु भए पश्चात सुरक्षाफौजको कारबाही अगाडि बढेको थाइल्याण्डका उपप्रधानमन्त्री जनरल प्रवित वोङसुआनले जनाएको अन्तराष्ट्रिय संचार माध्यमहरुले जनाएका छन् ।
थाई सेनाको पछिल्लो सैन्य कारबाहीमा १३ जना शंकास्पद विद्रोही पक्राउ परेको सेनाले अन्तराष्ट्रिय समाचार माध्यमहरुलाई जानकारी गराएको हो ।
आमहत्यामा संलग्न करिब ३० देखि ४० जना रहेकाले तिनको खोजी कार्य व्यापक भईरहेको सैनिक प्रवक्ता प्रमोत प्रोमिनले बताए ।
सो आक्रमणका बारेमा हाल सम्मपनि कुनै पनि समूहले जिम्मेवारी नलिएको थाई स्थानिय समाचार माध्यमले जनाएको छ ।
