सदाबहार खबरको रफ्तार ....
बैसाख ८, २०८१ शनिबार
April 20, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

पूर्व सभामुख महरा पुर्पक्षका लागि डिल्लीबजार कारागार चलान

२०७६ कार्तिक १८, सोमबार
शेयर गर्नुहोस:
फन्ट परिवर्तन गर्नुहोस:

काठमाण्डौं: काठमाडौं जिल्ला अदालतले जेल चलानको आदेश दिएसँगै पूर्व सभामुख कृष्णबहादुर महरा डिल्लीबजार कारागार चलान भएका छन् ।

काठमाण्डौं जिल्ला अदालतका न्यायाधीश सुदर्शनराज पाण्डेको इजलासले महरालाई थुनामै राखेर मुद्दा अगाडि बढाउन जेल चलानको आदेश दिएकाले पुर्पक्षका लागि डिल्लीबजार कारागार चलान गरेको हो ।

बलत्कार अभियोग लागेका महरालाई सोमबार काठमाण्डौं जिल्ला अदालतको थुनछेक बहसपछि तत्काल प्राप्त प्रमाणका आधारमा मुद्दाको पुर्पक्ष गर्नु पर्ने देखिएकाले थुनामै राख्न अदालतले आदेश दिएको थियो ।

पूर्व सभामुख महरामाथि संसद सचिवालयकी एक महिला कर्मचारीमाथि यौन दुर्व्यवहार गरेको आरोप लागेपछि गत असोज १९ गते प्रहरीले सभामुखको सरकारी निवाश बालुवाटारबाट पक्राउ गरेको थियो ।

पक्राउ परेका महरालाई सरकारी वकिलको कार्यालय, काठमाण्डौले गएको बिहीबार बलात्कार प्रयास गरेको अभियोगमा काठमाण्डौ जिल्ला अदालतमा मुद्दा दायर गरेको थियो ।

मुलुकी अपराध (संहिता) ऐन २०७४ को दफा २१९ को उपदफा ३ (ङ) मा १८ वर्ष वा सो भन्दा बढी उमेरकी महिलालाई जबर्जस्ती करणी गरे सात वर्षदेखि १० वर्षसम्म कैदको व्यवस्था छ ।

महराले जबर्जस्ती करणी प्रयास मात्रै गरेकाले सो ऐनको दफा ३४(३) अनुसार आधा सजाँय माग गरिएको थियो ।

त्यस्तै, महरा सार्वजनिक ओहोदामा रहेर कसुर गरेको भन्दै सरकारी वकिलले फौजदारी कसुर (सजाय निर्धारण तथा कार्यान्वयन) ऐन २०७४ को दफा १५ (ङ) बमोजिम थप सजायको माग पनि गरेको थियो । यस व्यवस्थाअनुसार महरालाई ५० प्रतिशत थप सजायको मागसहित सरकारी वकिलले मुद्दा दर्ता गरेको थियो ।

पूर्व सभामुख महराको पक्षमा आइतबार र सोमबार दुई दिन गरी ३२ जना वकिलहरूले बहस गरेका थिए ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रधानमन्त्रीले भेटे एनआरएनए अभियन्ता

गण्डकीमा मन्त्री चुमानलाई आर्थिक र गुरुङलाई भौतिक मन्त्रालयको जिम्मेवारी

लोकतान्त्रिक गणतन्त्रात्मक व्यवस्था ल्याउन प्रेस जगतको भूमिका महत्वपूर्ण : प्रदेश प्रमुख

सहकारी घोटाला छानबिनमा सरकार गम्भीर नभएको देउवा पत्नि डा. आरजुको आरोप

एमाले समाप्त पार्ने षड्यन्त्र चिर्‍यौं: ओली

रञ्जितालाई रेशमको आग्रहः ‘छोरी, भाउजू र भान्जी भन्नेहरूसँग टाढा रहनु’

राजनीतिक परिवर्तनको औचित्य पुष्टि हुनेगरी काम गर्नुपर्छः मन्त्री श्रेष्ठ

बनेपामा यातायात व्यवस्था कार्यालय स्थापना हुने

दीपेश पुन र नवीन अछामी कारागार चलान

धुञ्चे गोसाइँकुण्ड केबुलकार निर्माण गर्न सहयोग हुन्छ : उपप्रधानमन्त्री महासेठ

प्रधानमन्त्रीसमक्ष माडीवासीको गुनासो, ‘तपाईंले चितवन छाडेपछि हाम्रो बिचल्ली भयो’

चैतसम्म साढे पाँच लाखले लिए श्रम स्वीकृति