सदाबहार खबरको रफ्तार ....
बैसाख ८, २०८१ शनिबार
April 20, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

कपिलवस्तुको कृष्णनगरमा कर्फ्यु: प्रहरीको गोली लागी एक जनाको मृत्यु

२०७६ कार्तिक १४, बिहिबार
शेयर गर्नुहोस:
फन्ट परिवर्तन गर्नुहोस:

काठमाण्डौ : कपिलवस्तुको कृष्णनगरमा लक्ष्मी पूजाको मूर्ति विसर्जन गर्ने क्रममा दुई समूह (हिन्दु र मुसलमान) बीच झडप भएपछि जिल्ला प्रशासन कार्यालयले अनिश्चितकाल सम्मका लागि कर्फ्यू लगाएको छ।

कपिलवस्तुको कृष्णनगर बजारमा कर्फ्यूको अवज्ञा गरेको भन्दै प्रहरीको गोली लागेर एक जनाको ज्यान गएको छ । गोली लागेर कृष्णनगरका २० वर्षीय सुरजकुमार पाण्डेको  घटनास्थलमै ज्यान गएको हो । जिल्ला प्रहरी कार्यालयले मृतक पाण्डेको बारेमा कुनै प्रतिक्रिया दिएको छैन ।

बुधबार कृष्णनगर क्षेत्रमा लक्ष्मी पूजाको मूर्ति बिर्सजनको विषयमा दुइ समुह (हिन्दु र मुसलमान)बीच झडप भएपछि जिल्ला प्रशासन कार्यालय कपिलवस्तुले बिहिबार कर्फ्यू आदेश जारी गरेको हो ।

 

बिहिबार बिहान ११ बजेदेखी कृष्णनगर भन्सार कार्यालयदेखि उत्तरतर्फ सातसय मिटर, पश्चिमतर्फ तीनसय मिटर क्षेत्रभित्र अनिश्चितकालिन कर्फ्यू  जारी गरिएको छ ।

प्रशासनले कर्फ्यूको अवज्ञा गरे कानुन बमोजिम कारबाही गर्ने चेतावनी पनि दिइएको छ । बुधबार बेलुकी लक्ष्मीको मूर्ति विर्सजन गर्ने क्रममा झडप हुँदा १० जनाभन्दा बढी घाइते भएका छन् । तनाव बढेपछि बुधबार प्रहरीले ५० राउण्डभन्दा बढी अश्रुँग्यास प्रहार गरेको थियो ।

सो क्षेत्रमा अर्को आदेश नभएसम्म कर्फ्यू जारी रहने प्रमुख जिल्ला अधिकारी गजेन्द्रबहादुर श्रेष्ठले बताएका छन् ।

के हो खास घटनाको बास्तविकता ? 

कपिलबस्तु जिल्लाको कृष्णनगर न.पा.-३ स्थित झण्डीनगर भन्ने स्थानमा (फतिजा मदरसा नजिक) हिन्दु समुदायहरुले लक्ष्मी पुजाको लक्ष्मीको मुर्ति बिसर्जन गर्ने क्रममा पहिले देखि नै सम्झौता गरेको बाटो प्रयोग नगरेको भनि मुश्लिम समुदायले रोक लगाँउदा हिन्दु समुदाय र मुश्लिम समुदाय बीच झडप भएको स्थानिय बासिन्दाको भनाइ रहेको छ ।

लक्ष्मी पूजा गरिसकेपछि हिन्दू समुदायका व्यक्तिहरुले कृष्णनगरको झन्डीनगरस्थित नदीमा मूर्ति विसर्जन गर्न लगेकोमा मुस्लिम समुदायका युवाहरुले मूर्ति विसर्जनमा अवरोध गरेपछि तनाव उत्पन्न भएको जिल्ला प्रहरी कार्यालय कपिलवस्तुले जनाएको छ ।

 

हिन्दु मुसलमानको झडपलाई नियन्त्रण गर्न शसस्त्र प्रहरीले तीन दर्जन र नेपाल प्रहरीले करिब ३० सेल अश्रु ग्याँस प्रहार गरेको थियो ।  प्रहरीले भिडलाइ अश्र्युग्याँस प्रहार गरी  स्थिति नियन्त्रणमा लिएको जनाएको छ ।

हाल हिन्दु समुदायले झडप निम्त्याउने मुश्लिमहरुलाई पक्राउ गर्नु पर्ने माग राखी  बिसर्जनको लागि लगिएका मुर्तिहरु सोही स्थानमा नै राखेको छ । उक्त स्थानमा थप झडप हुने सम्भावनालाई मध्यनजर गर्दै शसस्त्र प्रहरी तथा नेपाल प्रहरीले बाक्लो सुरक्षा तैनाथी गरेको जिल्ला प्रसासन कार्यालय कपिलबस्तुले जनाएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रधानमन्त्रीले भेटे एनआरएनए अभियन्ता

गण्डकीमा मन्त्री चुमानलाई आर्थिक र गुरुङलाई भौतिक मन्त्रालयको जिम्मेवारी

लोकतान्त्रिक गणतन्त्रात्मक व्यवस्था ल्याउन प्रेस जगतको भूमिका महत्वपूर्ण : प्रदेश प्रमुख

सहकारी घोटाला छानबिनमा सरकार गम्भीर नभएको देउवा पत्नि डा. आरजुको आरोप

एमाले समाप्त पार्ने षड्यन्त्र चिर्‍यौं: ओली

रञ्जितालाई रेशमको आग्रहः ‘छोरी, भाउजू र भान्जी भन्नेहरूसँग टाढा रहनु’

राजनीतिक परिवर्तनको औचित्य पुष्टि हुनेगरी काम गर्नुपर्छः मन्त्री श्रेष्ठ

बनेपामा यातायात व्यवस्था कार्यालय स्थापना हुने

दीपेश पुन र नवीन अछामी कारागार चलान

धुञ्चे गोसाइँकुण्ड केबुलकार निर्माण गर्न सहयोग हुन्छ : उपप्रधानमन्त्री महासेठ

प्रधानमन्त्रीसमक्ष माडीवासीको गुनासो, ‘तपाईंले चितवन छाडेपछि हाम्रो बिचल्ली भयो’

चैतसम्म साढे पाँच लाखले लिए श्रम स्वीकृति