सदाबहार खबरको रफ्तार ....
बैसाख ३, २०८१ सोमबार
April 15, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

चितवन मेडिकल कलेज तोडफोडमा संलग्न एक दर्जनले तिरे एघार लाख क्षतिपूर्ति रकम

२०७६ कार्तिक १३, बुधबार
शेयर गर्नुहोस:
फन्ट परिवर्तन गर्नुहोस:

काठमाण्डौः नवलपुर मध्यविन्दु नगरपालिका–९ वसन्तपुरकी ३२ वर्षीया आशा ज्ञवालीको उपचारको क्रममा मृत्यु भएको भन्दै चितवन मेडिकल कलेज तोडफोड गर्ने ११ जनाले ११ लाख रुपैयाँ क्षतिपूर्ति तिरेका छन् ।

उपचारका क्रममा युवतीको कार्तिक २ गते मृत्यु भएको थियो भने  ३ गते चितवन मेडिकल कलेज तोडफोड गर्ने ११ जना पक्राउ परेका थिए ।

पक्राउ परेका प्रत्येकले एक/एक लाख रकम बुझाएर धरौटीमा रिहा भएका छन् । मेडिकल कलेजले करिब १४ लाख बराबरको अस्पतालमा तोडफोडबाट क्षति भएको भन्दै जिल्ला प्रहरी कार्यालय चितवनमा बिगो असुल उपर गरी पाउँ भन्दै मुद्दा दायर गरको थियो ।

चितवन प्रहरीले उनीहरु विरूद्ध अभद्र व्यवहारसम्बन्धी चलाएको मुद्दामा उनीहरुले ५५ हजार धरौटी तिरेर तारेखमा रिहा भएका छन् । प्रमुख जिल्ला अधिकारी जितेन्द्र बस्नेतका अनुसार उक्त अभियोग पुष्टि भए १० हजार जरिवाना र एक बर्ष जेल बस्नुपर्ने कानुनी प्रावधान रहेको छ ।

गत कात्तिक २ गते नाकमा समस्या भएर उपचार गर्न चितवन मेडिकल कलेज पुगेकी ज्ञवालीको उपचारका क्रममा मृत्यु भएपछि उनीहरुका आफन्तले कलेजको मूल गेट, आईसीयू, सीसीयू लगायतका क्षेत्रमा तोडफोड गर्दै बिरोध प्रदर्शन गरेका थिए ।

ज्यान गुमाएकी मृतक महिलाको कार्तिक ८ गते पोस्टमार्टम गरिएपछी शव परिवारले बुझेको प्रहरीले जनाएको छ । महिलाको उपचारको क्रममा मृत्यु भएपछि घटनाको छानबिन गरी मेडिकल काउन्सिलको टिम फर्किएको छ । काउन्सिलका सदस्य डा. कालुसिंह खत्रीको नेतृत्व चार सदस्यीय टोलीले घटनाका बारेमा छानबिन गरेको थियो । उनीहरुकै रोहवरमा मृतक महिलाको पोष्टमार्टम गरिएको हो ।

चितवनका अस्पतालमा उपचारका क्रममा हुने मृत्यु र आफन्तले गर्ने आन्दोलन पछि धेरैजसो घटना लेनदेनमा मिलाउने गरेको पाइन्छ । तर, चितवन मेडिकल कलेजले घटनाका बारेमा यथार्थ छानबिन गर्ने भन्दै मेडिकल काउन्सिलको टिमलाई पत्र काटेरै बोलाएको थियो ।

कलेजका अध्यक्ष एवम् प्रवन्ध निर्देशक डा. हरिश न्यौपानेले मेडिकल काउन्सिलले दिने रिर्पोटका आधारमा आफूहरु अगाडि बढ्ने बताए । ‘चिकित्सकको लापर्वाही देखिए डाक्टरलाई कारवाही हुन्छ, क्षतिपूति सिफारिस गरे पनि दिन्छौं’ डा. न्यौपानेले भने, ‘होइन भने सधैं लापरवाही भन्ने र पैसाको बार्गेनिङ गर्ने चलनको अन्त्य चितवन मेडिकल कलेजले गर्छ । यो देशभरका अस्पताल र चिकित्सकका लागि नजिर समेत बन्छ, डाक्टरहरुले निर्धक्क भएर काम गर्ने वातावरण बन्छ ।’

नेपाल चिकित्सक संघ चितवनका अध्यक्ष डा. प्रकाश खतिवडाले उपचारको क्रममा बिरामीको मृत्यु भएपछि रकम माग्ने गिरोह नै सक्रिय हुने बताए । चितवन मेडिकल कलेज तोडफोड गर्नेहरुबाट भराइएको क्षतिपूर्तिले चिकित्सक तथा अस्पतालहरुको मनोवल बढेको छ’, डा. खतिवडाले भने ‘चिकित्सकले लापरवाही गरेको अनुसन्धानले देखिए डाक्टर जेल जान्छन्, हामी जोगाउन लाग्दैनौं, बिरामीका आफन्तहरुलाई पनि डाक्टरले साँँच्चै लापरवाही गरेका हुन् कि होइनन् भन्ने थाहा पनि हुन्छ, मर्यादित वातावरण बन्छ ।’

चिकित्सक संघका केन्द्रीय सदस्य डा. कृष्ण पौडेलले चितवन मेडिकल कलेजमा भएको क्षतिको पूर्ति स्वंय तोडफोड गर्नेहरुबाट गराईनु सकारात्मक कदम भएको बताए । आउँदा दिनमा यस्ता घटना हुँदा डाक्टरलाई कुटपिट र तोडफोड गर्न हुँदैन आफैले तिर्नुपर्छ भन्ने सन्देश यसले प्रवाह गरेको डा. पौडेलले बताए ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

रक्षामन्त्री उप्रेतीद्वारा द्रुतमार्गको निरीक्षण भ्रमण

सशस्त्रको नायव महानिरीक्षकमा पदोन्नति भएका अधिकारीलाई दर्ज्यानी चिन्ह प्रदान

नेपाली सेनाको नयाँ प्रवक्तामा गौरवकुमार केसी

आयोजना बैंकबाट योजना छनोट गरी बजेट विनियोजन गर्छौंः मुख्यमन्त्री जम्कट्टेल

पछिल्ला आर्थिक परिसूचकहरूले समृद्धिमा गुणात्मक आशा जगाएका छन्ः प्रधानमन्त्री

यस्तो छ साेमबार विदेशी मुद्राको विनिमय दर

प्रधानसेनापति शर्मा र भारतीय सेनाका लेफ्टिनेन्ट जनरल सिंहबीच भेटवार्ता

गोरखा-जितगढी पदयात्रामा सहभागी नेपाली सेनाको टोलीलाई पाल्पामा स्वागत

नेपाली सेनाको हिमाल सफाइ टोली स्याङ्गबोचेमा

नेपाल राष्ट्रिय हितको पक्षमा खुट्टा कमाउने स्थितिमा पुगिरहेको छ: पूर्वअर्थमन्त्री लोहनी

न्यायालय सुधारमा प्रगति, उपलब्धि सन्तोषप्रद

देशमा युवा पुस्ताले आफ्नो भविष्य देख्न सकेनन्- पूर्वराजा ज्ञानेन्द्र