सदाबहार खबरको रफ्तार ....
बैसाख ८, २०८१ शनिबार
April 20, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

यस्तो रह्यो भिआईपी र दलका शिर्ष नेताहरूको भाईटिका बिशेष (फोटोफिचर सहित)

२०७६ कार्तिक १३, बुधबार
शेयर गर्नुहोस:
फन्ट परिवर्तन गर्नुहोस:

काठमाण्डौः राष्ट्रप्रमुख, सरकार प्रमुख एवं प्रमुख दलका शिर्ष नेताहरूले परिवार एवं आफन्तसँगै बसेर भाइटीका लगाएका छन् ।

राष्ट्रपति, उपराष्ट्रपति, प्रधानमन्त्री देखी दलका प्रमुख नेताहरूसम्मले दाजुभाइ तथा दिदीबहिनीको हातबाट भाइटीका लगाएका हुन् ।

राष्ट्रपति विद्यादेवी भण्डारीले ११ बजेर ५५ मिनेटको उत्तम साइतमा जेठा भाइ तेजेन्द्र पाण्डे र कान्छा भाइ डेगेन्द्र पाण्डेलाई सप्तरङ्गी टीका लगाएकी छिन् । उनी टिका लगाउन बुढानिलकण्ठ नगरपालिकाको चपलीहाइट  स्थित पाण्डे निवाश पुगेकी थिइन् ।

उपराष्ट्रपति नन्द बहादुर पुनले रोल्पाको परिवर्तन गाउँपालिका-२ राङ्सीको डाँडागाउँ स्थित आफ्नै घरमा दिदी मनपुरा घर्ती र बहिनी लालपुरा घर्तीबाट ११ बजेर ५५ मिनेटको शुभसाइतमा भाइटीका ग्रहण गरेका छन् ।

यसैगरी प्रधानमन्त्री केपी शर्मा ओलीले प्रधानमन्त्रीको सरकारी निवाश बालुवाटारमा १ बजेर ३८ मिनेटको समयमा पाँच बहिनीको हातबाट भाइटीका ग्रहण गरेका छन् ।

पूर्वराजा ज्ञानेन्द्र शाहले कमलादी स्थित बहिनी शोभा राज्यलक्ष्मी शाहको हातबाट बिहान १० बजेर ५१ मिनेटमा टीका लगाएका छन् । उनले भाइटीकाको साइत पूर्व नै टिका ग्रहण गरेका छन् ।

सत्तारूढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले ललितपुरको खुमलटारस्थित निवासमा  बहिनीहरु कमला, अप्सरा, सरस्वती, विष्णु र मिठुको हातबाट तिहारको टीका लगाएका छन् । यद्दपी उनले लगाएका तश्विरभने सार्वजनिक गरिएका छैनन् ।

यसैगरी पूर्व प्रधानमन्त्री एवं सत्तारूढ समाजबादी पार्टी संघिय परिषद्का अध्यक्ष डा. बाबुराम भट्टराईले बहिनी पार्वतीको हातबाट भाइटीका ग्रहण गरेका छन् ।

कांग्रेस वरिष्ठ नेता रामचन्द्र पौडेलले चितवनमा पुगेर चार दिदीबहिनीको हातबाट टीका लगाएको उनका स्वकीय सचिव चिरञ्जीवी अधिकारीले जानकारी दिएका छन् ।

प्रमुख प्रतिपक्षी दल नेपाली काङ्ग्रेसका सभापति शेरबहादुर देउवाले भने यसपटक भाइटीका लगाएनन्। जुठो परेका कारण भाइटीका लगाउने कार्यक्रम नरहेको सभापति देउवाको स्वकीय सचिवालयले जनाएको छ ।

यस्तै नेपाल कम्युनिष्ट पार्टी (नेकपा)का वरिष्ठ नेता झलनाथ खनालले पनि जुठो परेका कारण भाइटीका लगाउन पाएनन्।

सत्तारूढ नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले आफ्नी दिदी कालिका भण्डारी तथा र बहिनीद्वय इन्दिरा न्यौपाने र वसुधा पोखरेलको हातबाट भाइटीका लगाएका छन् ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पर्सामा गहुँ खेतको आगोको झिल्का सल्केर घरमा आगलागी

टिपर दुर्घटनामा एक जनाको मृत्यु, तीन घाइते

चोभारमा आगो निभाउन गएको दमकल दुर्घटना, ६ जना घाइते

सुनकोसी मरिण डाइभर्सन : सुरुङ खन्न एक सय १० मिटर बाँकी

उखु महोत्सवबाट किसान उत्साहित

सशस्त्र प्रहरीद्वारा जानकी मन्दिरमा सरसफाई

पाल्पामा जन्ती बोकेको जीप दुर्घटना हुदाँ १० घाइते

कैलालीका सात नदीमा तटबन्ध निर्माण सुरु

सार्वजनिक जग्गा संरक्षणमा लाग्न गृह मन्त्रालयको निर्देशन

काठमाडौंका यी स्थानमा आज ९ घन्टा विद्युत अवरुद्ध हुने

यी प्रदेशमा वर्षाको सम्भावना

लापसे चेकिङमा ५ चालक नियन्त्रणमा