काठमाण्डौ: नेपाल सम्वत् ११४० नयाँ वर्षको उपलक्ष्यमा राजधानीमा शान्ति सद्भाव र शुभकामना साइकल र्याली प्रदर्शन गरिएको छ ।
काठमाडौंको जमलबाट निकालिएको र्याली राजधानीका विभिन्न भागहरू परिक्रमा गरी ललितपुरको एकान्तकुना पुगेर समापन हुनेछ ।
र्यालीको उद्घाटन पुर्व रक्षामन्त्री एवं काठमाडौं क्षेत्र नं. ६ का सांसद भिमशेनदास प्रधानले गरेका छन् । र्यालीमा १ सय ५० भन्दा बढी साइकल सहभागी छन् ।
नेपाल सम्वत्को प्रचारप्रसार गर्दै समाजमा शान्ति सद्भाव कायम गर्ने उद्देश्यले साइकल र्याली निकालिएको अन्नपूर्ण क्लब (आर.सि.टि) फ्यान क्लबले जनाएको छ ।
नेपाल सम्वत् ११४० नयाँ बर्षको अवशरमा आयोजित न्हुँदया भिन्तुना साईकल र्यालीमा कामपा उपमेयर हरिप्रभा खड्गी, अन्नपूर्ण क्लबका अध्यक्ष सुरेश काजी शाक्य, (आ.सि.टि) फ्यान क्लबका अध्यक्ष राजेश श्रेष्ठ लगायतको उपस्तिथि रहेको छ ।
