काठमाण्डौ: विश्वमै सर्वाधिक खोजीमा रहेका आतंकवादी संगठन ईस्लामिक स्टेटका नेता बग्दादी मारिएको अमेरिकी अधिकारीहरुले दाबी गरेका छन् ।
इस्लामिक स्टेटका नेता अबु बाकर अल–बग्दादी अमेरिकी अधिकारीले सिरियाको इड्लिब भन्ने ठाँउमा अमेरिकी सेनाको हवाई कारबाहीमा मारिएको बताइएको छ । यद्यपि यसको स्वतन्त्र पुष्टि भने हुन सकेको छैन ।
ती आतंकबादी मारिएको खवर एसोसिएटेड प्रेसलाई उपलब्ध गराएको अन्तर्राष्ट्रिय समाचार माध्यमले जनाएका छ्न । अमेरिकी राष्ट्रपति डोनाल्ड ट्रम्पले पनि शनिबार राति नै आज ठूलै कुरा हुँदैछ भनेर भन्दै ट्वीट गरेको समेत समाचारमा उल्लेख छ ।
अमेरिकी सेना उत्तरी सिरियाबाट फिर्ता भएसँगै ईस्लामिक स्टेटको प्रभाव अझै बढ्ने भएपछि त्यस संगठनका प्रमुख नेताको हत्या गरिएको खबर सार्वजनिक भएको हो ।
इस्लामिक स्टेटले बिगतमा इराक, सिरिया सहितको ठूलो क्षेत्र कब्जामा लिएको थियो ।
