काठमाण्डौ : शिक्षा, विज्ञान तथा प्रविधि मन्त्रालयले एमबिबिएस र बिडिएसमा अध्ययनमा छात्रवृत्ति दरखास्त आह्वान गरेको छ।
शिक्षा ऐन २०७५ बमोजिम ७५ प्रतिशत निःशुल्क छात्रवृत्ति सिट कायम गरि काठ्माण्डौ विश्वविद्यालयबाट सम्बन्धन प्राप्त स्वदेशी लगानीका शिक्षण संस्थामा २० र विदेशबाट प्राप्त हुने २० प्रतिशत छात्रवृत्ति प्रयोजनका लागि दरखास्त आह्वान गरेको हो।
बुधबार देखि नै योग्यता पुगेका इच्छुक व्यक्तिले कात्तिक २० भित्र अनलाइनमार्फत दरखास्त दिनसक्ने मन्त्रालयको छात्रवृत्ति शाखाले जनाएको छ ।
सरकारले ‘राष्ट्रिय चिकित्सा शिक्षा ऐन २०७५’ मा भएको व्यवस्था यो बर्षदेखि सरकारी मेडिकल कलेज तथा प्रतिष्ठानमा एमबिबिएस तथा बिडिएसमा ७५ प्रतिशत छात्रवृत्ति दिने व्यवस्था गरेको छ। त्यस्तै विदेशी लगानी भएका निजी मेडिकल कलेजमा २० र स्वदेशी निजी मेडिकल कलेजमा १० प्रतिशत छुट्याइएको छ ।
त्रिभुवन विश्वविद्यालय चिकित्साशास्त्र अध्ययन संस्थान, पाटन स्वास्थ्य विज्ञान प्रतिष्ठान, विपी कोइराला स्वास्थ्य विज्ञान प्रतिष्ठान धरानले भने ७५ प्रतिशत छात्रवृत्ति उपलब्ध गराउँदै आइरहेका छन्।
विदेशमा अध्ययन गर्न चाहने विद्यार्थीको योग्यताक्रम निर्धारण गरिने मन्त्रालयले समेत सूचनामा उल्लेख गरेको छ।
यस्तो छ छात्रवृत्ति सम्बन्धि मन्त्रालयको सूचना :
