काठमाण्डौ: राजधानीको दरबारमार्गस्थित भिक्ट्री क्लबमा भीषण आगलागी भएको छ ।
का.म.न.पा.-१ दरबारमार्गमार्गमा रहेको घरधनी रमेश श्रेष्ठ र सञ्चालक सुरज कार्कीको “The Victory Lounge” मा विद्युत सट भै आइतबार बेलुका आगो लागेको हो ।
आगलागीबाट माथिल्लो तल्लामा रहेको Victory Lounge पुर्ण रुपमा क्षति भएको छ ।
आगलागी नियन्त्रणको लागि काठमाण्डौं महानगरपालिकाको ३ वटा दमकल, नेपाली सेना, सशस्त्र प्रहरी र नेपाल प्रहरीको १० वटा दमकल तथा ट्याङ्करको सहायतबाट सवा आठ बजे आगो पुर्णरुपमा नियन्त्रणमा लिएको महानगरीय प्रहरी प्रभाग दरबारमार्गले जनाएको छ ।
सवा ६ बजे लागेको आगो बढ्दै जाँदा नजिकै रहेको घरमा समेत सल्किएको र उक्त भवनमा रहेका ५ वटा ग्याँस सिलिन्डर समेत बिस्फोट भएको स्थानियको भनाइ छ ।
उक्त आगलागी नियन्त्रण लिने क्रममा ललितपुर महानगरपालिकाका फायर म्यान बुद्धिमान बुढाथोकी फायरिङ तान्दा खुट्टा च्यापिएर घाइते भएको । निजलाइ उपचारको लागि ट्रमा सेन्टर तर्फ लगिएको ।
आगोलागी विद्युत सर्ट भएर लागेको हुन सक्ने महानगरीय प्रहरी परिसर दरबारमार्गले जनाएको छ ।
क्लवमा साउन्डप्रुफ बनाउन प्रयोग गरिएका फर्म र प्लाईउडका कारण तत्काल आगो निभाउन कठिन भएको थियो । उक्त आगलागीबाट भएको क्षतीको बिबरण आउन बाँकी रहेको प्रहरीले जनाएको छ ।
