काठमाण्डौः राष्ट्रपति र प्रधानमन्त्रीले दशैंको टीका ग्रहण गर्न इच्छुक व्यक्ति एवं महानुभावलाई टीका लगाईदिने भएका छन् ।
राष्ट्रपति विद्यादेवी भण्डारीले अपरान्ह १ बजेदेखी २ बजेसम्म ईच्छुक विशिष्ट व्यक्तित्व एवं महानुभावहरूलाई टीका लगाइदिने भएकी छिन् । यसैगरी अपरान्ह साँढे २ बजेदेखि साँढे ३ बजेसम्म सर्वसाधारणलाई टिका लगाइदिने कार्यक्रम तय गरिएको छ ।
टिका लगाउने महानुभावहरूलाई राष्ट्रपति भवन शीतलनिवासको १ नं गेटको ढोका खुला गरिएको समेत राष्ट्रपति कार्यालयले जनाएको छ ।
प्रधानमन्त्री केपी शर्मा ओलीले दशैंको टिका अपरान्ह २ देखि ४ बजेसम्म ईच्छुक मन्त्रीगण, सांसद, विशिष्ट व्यक्ति, पार्टीका अन्य नेताहरूलाई टीका लगाइदिने कार्यक्रम रहेको छ । यसैगरी अपरान्ह ४ देखि साँझ ७ बजेसम्म पार्टीका समर्थक, कार्यकर्ता, शुभचिन्तक एवं सर्वसाधारणलाई टीका लगाउने कार्यक्रम तय गरिएको छ ।
