शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं : प्रधानसेनापति पूर्णचन्द्र थापाले उपरथी र सहायक रथीको दर्ज्यानी चिन्ह प्रदान गरेका छन् ।
मन्त्रीपरिषद्को शुक्रबार बसेको बैठकले नेपाली सेनाका दुई सहायक रथीको उपरथी तथा एक महासेनानीको सहायक रथीमा बढुवा स्वीकृत गरेको भोलिपल्ट प्रधानसेनापति थापाले दर्ज्यानी चिन्ह प्रदान गरेका हुन् ।
शनिवार सैनिक मञ्च टुँडिखेलमा आयोजित फूलपाती बडाँई समारोहमा प्रधानसेनापति पूर्णचन्द्र थापाले बढुवा भएका रथीबृन्दहरूलाई दर्ज्यानि चिन्ह प्रदान गरेका छन् ।
उपरथी दर्जामा बढुवा भएका सहायकरथीद्धय अशोकराज सिग्देल र गोकुल भण्डारीलाई क्रमशः निरिक्षणाधिकृतको कार्यालय र पश्चिम पृतना हेडक्वार्टरको प्रमुख जिम्मेवारी तोकिएको छ ।
यसैगरी सहायक रथीमा बढुवा भएका महासेनानी अनुपजङ्ग थापालाई २८ बाहिनी अड्डाको बाहिनिपतिमा जिम्मेवारी तोकिएको नेपाली सेनाले जनाएको छ ।
