सदाबहार खबरको रफ्तार ....
बैसाख ३, २०८१ सोमबार
April 15, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

दशैंको मौकामा चौका पार्दै ब्यापारी र बिचौलियाः सर्वसाधारण मर्कामा

२०७६ असोज १२, आइतबार
शेयर गर्नुहोस:
फन्ट परिवर्तन गर्नुहोस:

काठमाण्डौः नेपालीहरूको प्रमुख चाड दशैं नजिकिएसँगै खाद्यान्न तथा तरकारीको मूल्य ह्वात्तै महङ्गिएको छ । पछिल्लो समय सरकारले सवारी साधनको भाडा समायोजन गरेसँगै खाद्यान्न एवम् तरकारीको मुल्य अकासिएको हो । चाडपर्वमा दैनिक उपभोग्य बस्तु किनमेल बाक्लिएसँगै महंगि र आपूर्ति अभावलाई देखाएर व्यापारी र बिचौलियाले मनोमानी मुल्य लिइरहँदा सरकार उपभोक्तालाई राहत र सहुलियत दिलाउन सकिरहेको छैन् ।

बजारमा दैनिक उपभोग्य सामानको मुल्य दिन दुगुना रात चौगुना बढिरहेको छ । केही व्यवसायी ढुवानी मुल्य बढेकाले सामानको मुल्य बृद्धि भएको बताइरहेका छन् भने केही सामानको माग बढी आपूर्ती कम हुँदा मुल्य बृद्धि भएको बताउछन् ।

चाडपर्वमा  खाद्यान्नदेखी तरकारीसम्ममा बस्तुहरूमा अचाक्लि मुल्य बढिरहेको आम सर्वसाधारणको गुनासो रहेको छ । खाद्यान्नतर्फ चामल, दाल र तेलको मुल्य १५ प्रतिशतभन्दा धेरैले बढेको छ । यसैगरी तरकारीमा प्रति किलो २०० प्रतिशत भन्दा धेरैको महंगी थपिदा उपभोक्ता झनै बढी चिन्तित रहेका छन् । निरन्तर मूल्यवृद्धिको मार खेपिरहेका उपभोक्ता चाडपर्वमा झनै महंगी थपिएकोमा गुनासो गरिरहेका छन् ।

सरकारी अनुगमन प्रभावकारी नहुँदा ब्यापारीले आफुखुसी मुल्य निर्धारण मात्रै गरिरहेका छैनन्, बजारमा कृतिम अभाव देखाएर उपभोक्तासँग महंगो शुल्क लिइरहेको प्रष्ट देख्न सकिन्छ । दशैको मौका छोपी विभिन्न खाद्य तथा तरकारीमा गरिएको चर्को मूल्यवृद्धिले सर्वसधारण मात्र नभइ उपभोक्ता सरकारबाट राहत नपाएको भन्दै निराश भएका छन् । बजरामा सरकारको कुनै अनुगमनको गुन्जायस नभएको सर्वसाधारण उपभोक्ताको आरोप छ ।

सुचना प्रवाह गर्ने सरकारी वेभसाइट नै चल्दैनन्

बजारमा सरकारको कुनै अनुगमनको गुन्जायस नभएको सर्वसाधारण उपभोक्ताको आरोप छ । बजारमा सरकारी अनुगमन कति प्रभाबकारी छ भनेर बुझ्न सरकी वेभसाइट नै हेरे पुग्छ । सरकारको आधिकारिक मन्त्रालय कृषि तथा पशुपन्छी बिकास मन्त्रालय अन्तर्गत रहेको कालीमाटी फलफूल तथा तरकारी बजार बिकास समितिको वेभसाइट केही दिनयता बन्द छ । सर्वसाधारणले सहि सुचना पाउने निकाय नै बन्द गरेर कालोबजारीलाइ प्रश्चय दिइरहेको आरोप लागिरहँदा सरकार त्यसको साछी बसेको प्रस्टै देखिन्छ । यसै सिलसिलामा सर्वसाधारण उपभोक्तालाइ सजिलो होस भनेर सरकारले राखेको आफ्नो वेभसाइट  https://kalimatimarket.gov.np मा सर्च गर्दा देखिनुपर्ने दैनिक मुल्यसूची नदेखिदाँ सरकारी निकायका कर्मचारी र ब्यापारी मिलेको आम सर्वसाधारणमा आशंका पैदा भएको छ ।

बजार अनुगमन देखावटी मात्र

सरकारले प्रत्येक बर्ष उपभोक्ताहरूलाइ सहज होस भनेर सस्तो बजार शुरू गरेको छ । बाहिरको तुलनामा सस्तो बजारमा समानहरूको मुल्य कम हुनु स्वभाविकै नै हो ।  तर त्यही सस्तो बजारमा कर्मचारीहरूको मिलोमतोमा कालोबजारिहरूले सर्वसाधारणको ढाड सेक्नेगरी मुल्य बृद्धी भएको पाइन्छ । सस्तो बजारमा ब्यापारी नै पहिला पुगेर धेरै समानहरू एकैचोटी किन्छन् र सस्तोबजारमा समानहरूको अभाब सृजना गराइदिन्छन् । अन्ततः सर्वसाधारणले चाहेको बस्तु अभावको कारण देखाउदै बाहिरको खुद्धा मुल्यमा किन्न बाध्य हुन्छन् ।  सरकारले बेलैमा सोेचेर बजार अनुगमन गरे आम सर्वसाधारण महङंगीको मारमा  पर्ने थिएनन् ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

नेप्से परिसूचकमा १६ दशमलव ८२ अङ्कको गिरावट

लगानी सम्मेलनको दुईदिने कार्यतालिका सार्वजनिक

प्रि ओपन सेसनमा नेप्से सूचक घट्यो

फेरि बढ्यो सुनको मूल्य

इरान-इजरायल तनावले पेट्रोलियम पदार्थको मुल्यमा कस्तो असर पर्ला ?

अर्थमन्त्री पुन अमेरिका प्रस्थान

नेप्सेमा सामान्य गिरावट

टीकापुर उद्यानमा एकै दिन ३ लाख सङ्कलन

नयाँवर्षको पहिलो दिन लुम्बिनीमा घट्यो चहलपहल, कोषको ८ वर्ष यताको तथ्यांक यस्तो छ

सुनचाँदीको मुल्य घट्यो, तोलाको कति पुग्यो ?

डलरको मुल्य कति, यस्तो छ आजको विनिमयदर ?

पर्यटन राजधानी पोखरामा नयाँ वर्षको भव्य स्वागत