काठमाडौं : त्रिकोणात्मक टी–२० सिरिजमा घरेलु टोली सिङ्गापुरलाई पारस खड्काको ऐतिहासिक शतकसँगै नेपालले शानदार जित हात पारेको छ ।
इन्डियन एसोसियसनको मैदानमा शनिवार साँझ भएको खेलमा नेपालले टी-२० सिरिजमा पहिलो खाता खोल्दै सिङ्गापुरलाई ९ विकेटले हराएको हो । १६ ओभरमा एक विकेट गुमाउँदै सिङ्गापुरलाई दिएको १५२ रनको लक्ष्यमा नेपालले सजिलै जित हात पारेको हो ।
नेपालीसंँग टस जितेर ब्याटिङ रोजेको सिंगापुरले २० ओभरमा तीन विकेट गुमाउँदै १५१ रनको लक्ष्य पस्केको थियो । नेपालको तर्फबाट पहिले व्याटीङ गरेका इशान पाण्डे र कप्तान पारस खड्का मध्य ईशान ९ रन जोड्दै मैदानबाट बाहिरीएका हुन ।
कप्तान पारस खड्कालाई साथ दिन मैदानमा उत्रिएका आरिफ शेखले पारसलाई शतक पुर्याउन गतिलो साथ दिए ।आरिफको साथसंगै पारसले सिङ्गापुर विरुद्धको खेलमा ९ छक्का र ७ चौका प्रहार गर्दै टी-२० सिरिजको खेलमा किर्तिमानी शतक कायम राख्दै ‘म्यान अफ दि म्याच’ घोषित भए ।
सिङ्गापुरका लागि टिमोथि डेभिडले ६४ रन, सुरेन्द्रन चन्द्रमोहनले ३५ रन, जनक प्रकाशले २५ रन र मनप्रित सिंहले १५ रनको योगदान दिएका थिए । बलिङतर्फ करण केसीले दुई तथा सुशन भारीले एक विकेट लिए । शुक्रबार भएको पहिलो खेलमा नेपाल जिम्बावेसँग ५ विकेटले पराजित भएको थियो ।
