काठमाण्डौं : सिङ्गापुरमा शुक्रबारदेखि शुरु भएको त्रिकोणात्मक टी-२० सिरिजको दोस्रो खेलमा आज नेपालले घरेलु टोली सिंगापुरसंग प्रतिस्पर्धा गर्ने भएको छ ।
पहिलो खेलमा जिम्बाब्वेले ५ विकेटले पछि पारेको नेपाल सिङ्गापुरको ईण्डियन एसोसिएशन मैदानमा नेपाली समयअनुसार साँझ सवा ५ बजेदेखि हुने दोस्रो खेलमा कमजोर प्रतिस्पर्धी सिंगापुरलाई हराउने सोचमा रहेको छ ।
पछिल्लो टी-२० विश्वकप एसिया छनोट खेलमा नेपाललाई ८२ रनले हराएर सिङ्गापुरले ग्लोबल छनोटमा स्थान सुरक्षित गरेको थियो । नेपालको लागी आजको खेलमा सिंगापुरका ब्याट्सम्यान टिम डेभिड मुख्य खतरा हुन सक्छन् । यस अघिको नेपाल विरुद्धको एसिया छनोट खेलमा उनले ४३ बलमा ७७ रन बनाउन सफल भएका थिए ।
टी-२० क्रिकेटमा सिङ्गापुरले नेपाललाई पराजित गरेको त्यो पहिलो खेल हो । त्यो हारको कारण नेपालको विश्वकपको बाटो नै सकिएको थियो ।
