सदाबहार खबरको रफ्तार ....
असार ११, २०८१ मंगलबार
June 25, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

संविधान नमान्ने समुहको बेग्लै बिरोधका कार्यक्रम तय  (विज्ञप्ती सहित)

२०७६ असोज ३, शुक्रबार
शेयर गर्नुहोस:
फन्ट परिवर्तन गर्नुहोस:

काठमाण्डौः नेपाल सरकारले चौथो संविधान दिवस भब्य रूपले मनाउन आफ्ना मातहतका सबै निकायलाइ शसक्त रूपमा परिचालन गरिरहेको बेला नेपाल आदिवासी जनजाति महासंघ लगायतका विभिन्न जातिय संघ संस्थाहरूले भने २०७२ अशोज ३ गते घोषणा भएको संविधान दिवसलाई कालो दिनका रुपमा मनाउने भएका छन् ।

आदिवासी जनजाति महासंघ लगायतका विभिन्न जातिय मोर्चाहरूले आज राजधानीका विभिन्न स्थानमा बिरोध प्रदर्शन गर्ने कार्यक्रम समेत राखेका छन् । आदिवासी जनजातिको अगुवाइमा हुने बिरोध प्रदर्शनमा (मधेशी) तराई मधेश राष्ट्रिय परिषद् एवं मधेशी समन्वय समिति रहेका छन् । यसैगरी दलित मुक्ति शिल्पी आन्दोलन, आदीवासी जनजाती अन्तर पार्टी संजाल, समाजवादी आदीवासी जनजाती महासंघ, राष्ट्रिय जनता परिषद्, अखिल नेपाल आदीवासी जनजाती महासंघ लगायतका पहिचानवादी मोर्चाहरु पनि सहभागी रहनेछन् ।

उनीहरूले असोज ३ गते शुक्रबार संविधान दिवसको दिन माईतीघर मण्डलामा बिरोध प्रदर्शन गर्ने भनेपनि सरकारको धरपक्कड र गिरफतारीबाट बच्न न्युरोड जुद्द शालिकमा अपरान्ह ३ बजे भेला जम्मा हुने र संविधानको बिरोधमा प्रदर्शन गर्ने बताएका छन् । यसैगरी लक्ष्मण थारू संयोजक रहेको थारुहट/थारुवान राष्ट्रिय मोर्चाले पनि वर्तमान संविधानको बिरोधमा शुक्रबार अपरान्ह ३ बजे भृकुटीमण्डपमा पहिचान सहितको ब्यानर, प्लेकार्ड सहित बिरोध प्रदर्शन गर्ने तयारीमा रहेको प्रेश विज्ञप्ती मार्फत जनाएको छ ।

पहिचानबादीहरूले संविधानको विरोधमा शुक्रबार साँझ ७ बजेदेखी आधाघण्टा सम्म व्ल्याक आउट (Black Out)  गर्ने पूर्व योजना रहेको छ । साथै सोही दिन मोहन बैद्य नेतृत्वको नेकपा (क्रान्तिकारी माओवादी) को चुनावी मोर्चा देशभक्त जनगणतान्त्रिक मोर्चाले पनि उपत्यका लगायत देशका विभिन्न स्थानमा विरोध प्रदर्शन गर्ने भएको छ ।

संविधान संसोधनको माग गरि प्रदेश २ को सरकारमा समेत सहभागी रहेको राष्ट्रिय जनता पार्टी (राजपा) ले पनि बबरमहलस्थित पार्टी केन्द्रिय कार्यालयमा अपरान्ह २ बजे “संविधान संशोधन अपरिहार्यता” बिषयक अन्तर्क्रिया कार्यक्रम गर्ने भएको छ । सो पार्टीले तत्काल संविधानको विरोध पनि नगर्ने र संविधान संशोधन नभएसम्म दिवस पनि नमाउने निर्णयमा पुगेको छ ।

सत्तारूढ समाजबादी पार्टीले पनि मध्यान्ह १२ बजे नेपा: बैंकेट, खुशीबु, नयाँ बजार काठमाण्डौमा संघिय परिषद्का अध्यक्ष डा. बाबुराम भट्टराई, बरिष्ट नेता अशोक राई लगायतको उपस्थितिमा संविधान संशोधनको अपरिहार्यता र आवश्यकता विषयक अन्तरक्रिया कार्यक्रम गर्ने जनाएको छ । यसैगरी सिके राउत नेतृत्वको जनमत पार्टीले पनि २०७२ साल आश्विन ३ गते जारी नेपालको संविधान अझै पनि लोकतान्त्रिक, समावेशी र सर्वस्वीकार्य हुन नसकेको भन्दै विभिन्न कोणबाट बिरोध जनाउदै आइरहेको छ । पूर्वराजा सर्मथक शाही युवा शक्ति नेपालले पनि संविधान जारी भएको दिनलाइ कालो दिनको रूपमा मनाउदै विभिन्न विरोधको कार्यक्रमहरू गर्दै आईरहेको छ ।

 

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

रुसी सेनामा कार्यरत नेपालीलाई फिर्ता गर्न निरन्तर कुराकानी भइरहेको छ : परराष्ट्रमन्त्री श्रेष्ठ

केदार कार्कीको रिट खारेज

नेपाली सेनाको हायर कमाण्ड तथा म्यानेजमेन्ट तालिम सम्पन्न

इपिजी प्रतिवेदन दुई देशको समझदारीबाट बुझ्न पहल भइरहेको छ : प्रधानमन्त्री

मुलुकको सर्वोपरी हित हुनेगरी विदेशस्थित कूटनीतिक नियोग परिचालन हुन्छ- प्रधानमन्त्री

नेपाल-चीन कूटनीतिक परामर्श संयन्त्रको १६औँ बैठक सुरु

नेपाल–चीन कूटनीतिक परामर्श संयन्त्रको १६औँ बैठक बस्दै

१९ निर्माण कम्पनी कालोसूचीमा [सूचीसहित]

समृद्ध एसियाका लागि सामूहिक दृष्टिकोण र आपसी सहयोग आवश्यकः उपप्रधानमन्त्री श्रेष्ठ

जलवायु परिवर्तनको समस्या समाधान गर्न सहकार्य आवश्यक छः वनमन्त्री साह

सरकारी कर्मचारीको मर्यादाक्रमका आधारमा तलबमान निर्धारण गर्न परमादेश

रामबहादुर बम्जन बाल यौन दुराचारमा दोषी ठहर