सदाबहार खबरको रफ्तार ....
बैसाख ८, २०८१ शनिबार
April 20, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

शान्ति र समृद्धिका लागि योगदान गर्न राजदूतहरूको आह्वान

२०८० चैत्र १०, शनिबार
शेयर गर्नुहोस:
फन्ट परिवर्तन गर्नुहोस:

काठमाण्डौः विश्वका १९ मुलुकका राजदूत र नेपालका लागि ४५ देशका अवैतनिक वाणिज्यदूतले गौतमबुद्धको जन्मस्थल लुम्बिनीबाट समृद्धि र शान्तिको लागि योगदान गर्न आह्वान गरेका छन् ।

परराष्ट्र मन्त्रालय र अवैतनिक वाणिज्यदूतहरुको संस्था अनररी कन्सुलर कप्र्स नेपाल(एचसिसीएन)द्वारा संयुक्त रुपमा यहाँ आयोजित सम्मेलनमा शान्ति बिना समृद्धि सम्भव नहुने भन्दै विश्वका सबैलाई समाजमा शान्ति कायम गर्नेतर्फ केन्द्रित हुन राजदूत र अवैतनिक वाणिज्यदूतले आह्वान गरेका हुन् ।

मायादेवी मन्दिर परिसरमा विश्व शान्तिका लागि प्रार्थना गरेका गर्दै उनीहरूले बुद्धजन्मस्थल लुम्बिनीबाट समृद्धिका लागि विश्वशान्ति अपरिहार्य भएको सन्देश दिएका छन् । नेपालमा वैदेशिक लगानी भित्र्याउन सरकारले वातावरण बनाएको सन्देश पनि उनीहरूले विश्वभर प्रवाह गरेका एचसिसीएनका पदाधिकारीले बताएका छन् ।

नेपाललाई लगानी गन्तव्यका रुपमा चिनाउन आगामी महिना लगानी सम्मेलन आयोजना हुँदैछ । नेपालमा विदेशी लगानी भित्र्याउने अवसरको रुपमा शुक्रबार सम्पन्न समृद्धिका लागि विश्व शान्ति सम्मेलन फलदायी हुने अपेक्षा उनीहरूको छ ।

उपप्रधानमन्त्री तथा परराष्ट्रमन्त्री नारायणकाजी श्रेष्ठले उद्घाटन गर्नुभएको उक्त सम्मेलनमा शान्ति, समृद्धि र आर्थिक विकासका विषयमा घनीभूत छलफल भएको थियो । त्यस क्रममा लगानी बोर्डका अधिकारीले नेपालमा लगानीका अवसर र आसन्न लगानी सम्मेलनका बारेमा जानकारी दिएका थिए । कृषि, ऊर्जा, पर्यटन पूर्वाधार, उद्योगलगायत क्षेत्रमा गरिने लगानीबाट मनग्ये प्रतिफल प्राप्त हुने भएकाले ढुक्क भएर लगानी गर्न आह्वान गरिएको थियो ।

एचसिसीएनका प्रमुख विष्णुकुमार अग्रवाल, उपप्रमुख चन्द्रप्रसाद ढकालले शान्ति र समृद्धिबीचको सम्बन्धलाई आत्मसात् गर्दै नेपालमा लगानी बढाउन आग्रह गर्नुभएको थियो । उहाँहरूले विश्व शान्तिको केन्द्र भगवान्को बुद्धको जन्मस्थल लुम्बिनीमा आयोजित सम्मेलन शान्तिपूर्ण र समृद्ध विश्व बनाउने आधारशिला निर्माणमा उपयोगी भएको विश्वास व्यक्त गर्दै आफ्नो देशका लगानीकर्तालाई नेपाल आकर्षक गन्तव्य भएको जानकारी दिन आग्रह गर्नुभएको थियो ।

सम्मेलनमा अस्ट्रिया, बुल्गेरिया, इस्टोनिया, चेक रिपब्लिक, मरिसस, मङ्गोलिया, इन्डोनेसिया, तान्जानिया, सर्बिया, स्लोभेनिया, साइप्रस, आयरल्यान्ड, स्पेन, लात्भिया, कोस्टारिका, पोल्यान्ड र डोमिनिकन रिपब्लिकका गैरआवासीय राजदूत सहभागी थिए ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रधानमन्त्रीले भेटे एनआरएनए अभियन्ता

गण्डकीमा मन्त्री चुमानलाई आर्थिक र गुरुङलाई भौतिक मन्त्रालयको जिम्मेवारी

लोकतान्त्रिक गणतन्त्रात्मक व्यवस्था ल्याउन प्रेस जगतको भूमिका महत्वपूर्ण : प्रदेश प्रमुख

सहकारी घोटाला छानबिनमा सरकार गम्भीर नभएको देउवा पत्नि डा. आरजुको आरोप

एमाले समाप्त पार्ने षड्यन्त्र चिर्‍यौं: ओली

रञ्जितालाई रेशमको आग्रहः ‘छोरी, भाउजू र भान्जी भन्नेहरूसँग टाढा रहनु’

राजनीतिक परिवर्तनको औचित्य पुष्टि हुनेगरी काम गर्नुपर्छः मन्त्री श्रेष्ठ

बनेपामा यातायात व्यवस्था कार्यालय स्थापना हुने

दीपेश पुन र नवीन अछामी कारागार चलान

धुञ्चे गोसाइँकुण्ड केबुलकार निर्माण गर्न सहयोग हुन्छ : उपप्रधानमन्त्री महासेठ

प्रधानमन्त्रीसमक्ष माडीवासीको गुनासो, ‘तपाईंले चितवन छाडेपछि हाम्रो बिचल्ली भयो’

चैतसम्म साढे पाँच लाखले लिए श्रम स्वीकृति