काठमाण्डौः आदिवासी जनजाती तथा विभिन्न राजनीतिक दलहरू सम्बद्ध जातीय, क्षेत्रीय मोर्चा घटकहरूले रिपोर्टर्स क्लबमा संयुक्त पत्रकार सम्मेलनको आयोजना गरी असोज ३ गते संविधान दिवसलाई कालो दिनको रुपमा मनाउने घोषणा गरेका छन् ।
नेपाली जनताको बलिदानीपूर्ण सङ्घर्षबाट स्थापित परिवर्तनको मुद्दालाई कुल्चेर संघीयता, समानुपातिक समावेशिता, धर्मनिरपेक्षताको समेत मूल मर्म र भावना विपरित बेइमानीपूर्वक जबर्जस्त रुपमा खुनी संविधान जारी भएकोले आफूहरुले संविधान दिवस नमनाउने बताएका छन् ।
यद्दपी उनीहरुले संविधान संशोधन भएर आफूहरुका माग सम्बोधन नभएसम्म संविधान दिवसलाई कालो दिवसको रुपमा मनाउने पनि बताएका छन् ।
नेपाल आदिवासी जनजाति महासंघका अध्यक्ष जगत बरामले प्रमुख राजनीतिक दलका प्रमुख नेताहरुले संविधान संशोधनको लागि आश्वासन दिएपनि अहिले चार वर्ष बितिसक्दा पनि संविधान संशोधन नहुनु दुःखद भएको बताएका छन् ।
उनले संविधान दिवसलाई कालो दिवस मनाउने क्रममा राज्यले आफूहरुमाथि दमन गरे बाध्य भएर प्रतिकारमा उत्रिने चेतावनी दिएका छन् ।
अध्यक्ष बरामले सरकारले ‘टोल–टोलमा राष्ट्रिय झण्डा र घर–घरमा दिपावली’ नारासहित संविधान दिवस मनाउन लागेको सुनाउँदै आफूहरुले भने ‘टोल–टोलमा कालो झण्डा र घर–घरमा ब्ल्याक–आउट’ नारा तय गरेको समेत बताएका थिए ।
उक्त कार्यक्रममा थरुहट थारुवान राष्ट्रिय मोर्चाका संयोजक लक्ष्मण थारुले असोज ३ गतेको संविधान दिवसलाई आफूहरुले शानदार प्रदर्शनका साथ कालो दिनको रुपमा मनाउने चेतावनी दिएका छन् । बुधबार रिपोटर्स क्लबमा आयोजित संयुक्त पत्रकार सम्मेलनमा बितरित संयुक्त विज्ञप्ती जस्ताको तस्तैः
