सदाबहार खबरको रफ्तार ....
जेठ ९, २०८१ बुधबार
May 22, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

राजसंस्था बारे शीर्ष नेताहरुको टिप्पणी : जनतालाई सशंकित बनाउने खेल (भिडियो)

२०७६ भाद्र २, सोमबार
शेयर गर्नुहोस:
फन्ट परिवर्तन गर्नुहोस:

 राजसंस्था पुर्नस्थापनाका लागि न अहिले आन्दोलन भएको छ, न त शसक्त रुपमा कुनै पहल नै भएको छ ।

तर, एक पछि अर्को गर्दै राजनीतिक दलका शीर्ष नेताहरुले नै यसबारे बहस चलाउँदा राजसंस्थाको बहस सतहमुनि कतै न कतै भईरहेको त छैन भन्ने आशंका उब्जिएको छ । अझ प्रधानमन्त्री केपी शर्मा ओलीले संसदमै प्रतिगमनको दिवास्वप्न नदेख्न चेतावनी दिएपछि आशंकामा थप बल पुगेको छ ।

राप्रपा अध्यक्ष कमल थापाले एकाधरुपमा राजसंस्थाको आवश्यक छ भनेर भाषण गर्ने बाहेक स्वयम् पूर्व राजा ज्ञानेन्द्र शाहलेसमेत राजसंस्था आवश्यक छ भनेर मुख खोलेका छैनन् ।

यसका लागि आन्दोलन भएको वा दर्बिलो रुपमा माग अघि बढेको पनि होइन । सरोकारवाला  निकायले यो विषयमा कुरा नउठाइरहेका बेला गणतन्त्रतात्मक व्यवस्थाका व्यवस्थापहरुबाटै राजसंस्थाको विषयमा पछिल्ला दिनमा एक पछि अर्कोे अभिव्यक्ति आइरहेका छन् ।

सत्तारुढ नेकपा अध्यक्ष पुष्पकमल दाहाल, विपक्षी दल कांग्रेसका वरिष्ठ नेता रामचन्द्र पौडेललगायतले राजसंस्थाको पुर्नसथापनाका लागि चलखेल भइरहेको छ भनेर दिएको अभिव्यक्ति सेलाउन नपाउँदै प्रधानमन्त्री ओलीले संसदमै यो विषय प्रवेश गराएका छन् ।

संसद त्यस्तो थलो हो, जहाँ जनप्रतिनिधिमार्फत सत्य र तथ्य कुरा नागरिकसमक्ष लैजानका लागि सरकारले आफ्नो योजना सुनाउने गर्छ, र त्यो ससदमा रेकर्ड हुन्छ ।

तर, गणतन्त्रको मुख्य रक्षक रहेका प्रधानमन्त्री ओलीले राजसंस्था पुर्नस्थापनाका लागि चलखेल भएको भन्ने विषयलाई संसदमा बोलेर रेकर्ड गराइदिएका छन् । प्रधानमन्त्री ओलीले राजसंस्थालाई चिहानसँग तुलना गर्दै चिहानको हड्डी फुकेर कुनै संस्था फर्कन नसक्ने बताएका छन् ।

यदि संविधान र कानुन विपरीत काम भएको भएको भए दण्ड सजाय गर्ने अख्तियार सरकारलाई छ । प्रधानमन्त्री नै संविधान र कानुन विपरीत काम भएको पनि भनिरहेका छन्, दण्ड गर्न पनि सकिरहेका छैनन् ?

राजसंस्थाको विषयमा संसदमा प्रधानमन्त्रीले बोलिरहँदा सरकारका प्रवक्ता गोकुल बाँस्कोटाले पनि राजसंस्थालाई डाइनोसरसँग तुलना गरेका छन् ।

एकै दिन सरकारका यति महत्वपूर्ण पदाधिकारीबाट व्यवस्था इतर विषयमा किन यति धेरै आक्रोश व्यक्त भयो । साँच्चै पूर्व राजपरिवारले व्यवस्थाविरुद्ध चलखेल गरेको भए प्रमाणसहित नागरिकलाई भन्नुपर्ने आवश्यक्ता देखिएको छ । 

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

भीम रावलको प्रश्न- के मन्त्री र अरूका लागि फरक-फरक कानून छ ?

जलवायु परिवर्तनका समस्या न्यूनीकरण गरेर पृथ्वीको सुरक्षा गर्नुपर्छ : उपप्रधानमन्त्री श्रेष्ठ

अदालतको अनुमति लिएर पर्याप्त आधारसहित अनुसन्धान गरिनु प्रेस स्वतन्त्रताको हनन होइन- रास्वपा

राप्रपाको केन्द्रीय कार्यसम्पादन समितिको बैठक बस्दै

कांग्रेस केन्द्रीय कार्यसमिति र संसदीय दलको संयुक्त बैठक बस्दै

नेकपाका केन्द्रीय सदस्य, उदयपुर जिल्ला अध्यक्ष रामकुमार चौधरी आजपामा प्रवेश

राप्रपाको काठमाडौँमा मोटरसाइकल ऱ्याली

राजनीतिक दलसम्बन्धी विधेयक प्रतिनिधिसभाबाट फिर्ता

संसद्को गतिरोध अन्त्य गर्न कांग्रेसलाई अध्यक्ष ओलीको आग्रह

आफ्नो फाइल खोल्न सरकारलाई आरजुको चेतावनी

मधेस सरकारको नेतृत्व परिवर्तन हुन्छ : अध्यक्ष नेपाल

गगनमाथि लगाएको आरोपको प्रमाणको भार स्वयं आरोप लगाउनेले पूरा गर्नुपर्छ- नेतृ झाँक्री